Mali e Afganistan, raportohen 16 të vdekur
13/04/2013 03:15
Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Një bombë vetëvrasëse ka lënë të paktën 3 ushtarë nga Çadi të vdekur, në një sulm në qytetin verior të Malit, Kidal.
Rezidentë thanë se bomba u vetaktivizua, duke shpërthyer shumë pranë grupit të ushtarëve, në një market.
Trupa nga Çadi e Franca janë vrarë në Kidal, që prej shkurtit, teksa përpiqen të luftojnë militantët islamikë, të cilët ishin marrë pushtetin në veri të Malit.
Vendet veriore janë rikthyer në kontrollin e operacionit të udhëhequr nga francezët, por disa ushtarë mbeten ende nëpër strehime të vetmuara.
Grupet islamike morën avantazh falë një grushti shteti në mars 2012, duke rrëzuar influencën e pushtetit në veri të Malit, ku ata vendosën një formë strikte të ligjeve islamike.
Ky është aksidenti i tretë vetëvrasës në Kidal, këtë vit, teksa të tilla ngjarje ka patur edhe në Timbuktu dhe Gao. Pjesa qëndrore e Kidal raportohet të jetë izoluar.
Ndërkohë, në një tjetër ngjarje, 13 ushtarë afganë të Ushtrisë Kombëtare janë qëlluar për vdekje, ndërsa 1 tjetër është plagosur gjatë së premtes, në distriktin Naray të provincës lindore në Afganistan, Kunar, përgjatë kufirit me Pakistanin.
Lajmi është bërë i ditur nga një zyrtar lokal për CNN, teksa prita ndaj tyre u ngrit rreth orës 5 të mëngjesit, me orën lokale.
Talebanët dërguan një e-mail për mediat, përfshi CNN, nëpërmjet të cilit njoftonin se merrnin përgjegjësinë për sulmin e ndodhur.
Top Channel
