Burrat e shtetit lindin të tillë

Kërkuesit e një shkolle ushtarake në Shtetet e Bashkuara të Amerikës kryen një studim, në të cilin arritën në përfundimin se aftësitë të domosdoshme për të drejtuar në mënyrë të suksesshme një komb varen nga një gjen, i quajtur prej tyre si “gjeni i liderit”.

Një gjen i tillë është përgjegjës për aftësitë e shtuara organizuese, një kujtesë të fortë dhe shpejtësi mendimi, që e bëjnë një burrë shteti të marrë vendimet e duhura në momentin e duhur.

Sipas kërkuesve të “West Point”, ndonëse zgjuarsia nuk kushtëzohet nga një gjen i tillë, aftësitë logjike dhe formimi i një personi janë më të lehtë të arrihen me pasjen e këtij gjeni.

Aftësitë e sipërmendura, u analizuan nga kërkuesit, mbi bazën e një kampioni prej 103 oficerësh, të cilët në mënyrë vullnetare, pranuan që të kryenin një seri ushtrimesh dhe të intervistoheshin, ndërsa një skaner i sofistikuar fotografonte pjesë të ndryshme të trurit të tyre.

Një gjen i tillë lidershipi, sipas kërkuesve, ka ndihmuar për të arritur sukses të madh edhe për shumë sportistë elitarë, muzikantë, bankierë apo agjentë të bursës.

Top Channel