Napoli qëndron 4 pikë para Milanit dhe të dielën në mbrëmje këto dy skuadra do të përballen në San Siro në një ndeshje direkte që mund të jetë përcaktuese për vendin e dytë në Serinë A.
Marek Hamsik, mesfushori i Napolit, ka theksuar nëpërmjet faqes së tij zyrtare në internet se kjo sfidë do të jetë “ndeshja e vitit”: “Jemi të lumtur që kemi një avantazh të vogël ndaj kuqezinjve. Të dielën do të luajmë ndeshjen e vitit.”
Futbollisti sllovak foli edhe për fitoren 2-0 ndaj Genoa, trepikësh që u shoqërua edhe me barazimin e Milanit ndaj Fiorentinës.
“Para ndeshjes e dinim që Milani kish marrë vetëm 1 pikë dhe rezultati i vetëm që na bënte punë ishte fitorja. Jemi të lumtur që arritëm objektivin.”
Top Channel
