Hewlett-Packard, dorëhiqet kreu Raymond Lane
05/04/2013 00:20
Senati thirrje Dhomës së Përfaqësuesve të miratojë projektligjin mbi sigurinë e fëmijëve në internet 19/12 18:49
Hewlett-Packard ka njoftuar riformatimin e bordit të drejtorëve, ku përfshihet edhe dorëheqja e kreut Raymond Lane. Lane u rizgjodh nga vetëm 58,8% e votave të aksionerëve në takimin e përvitshëm të muajit të kaluar.
Në një deklaratë të HP-së, Lane ka thënë se e ka marrë këtë vendim “pasi ka reflektuar mbi votimin e kryer muajin e kaluar”.
Ai është viktima më e shquar e blerjes së kompanisë programuese Autonomia Britanike, vlera e së cilës ka rënë tashmë tej mase.
Bordi i gjigantëve të kompjuterave është kritikuar nga aksionerët për pagesën prej 11 miliardë dollarë për Autonominë Britanike. Kritikët ankohen për mungesën e kujdesit të treguar përpara se kompania të blihej.
Por HP pohon se AB kishte ndërmarrë hapa për fryrjen e vlerës së tyre, gjë që kundërshtohet nga ish-menaxherët e Autonomisë.
Akuzat janë duke u shqyrtuar nga Departamenti i Drejtësisë amerikane, Zyra e Mashtrimeve serioze të Britanisë së Madhe dhe Rregullatori i Kontabilitetit britanik.
Lane do të mbetet në bord, ndërsa dy drejtorët e tjerë, John Hammergren dhe G Kennedy Thompson do të largohen.
Ralph Whitworth, një aksioner aktivist veteran, është emëruar si lider i përkohshëm.
Top Channel
