Afrikë e Jugut, lutje për Mandelën
31/03/2013 11:15
Fermerët amerikanë thirrje Trump: Mos dëboni emigrantët e paligjshëm që punojnë në bujqësi 26/11 20:22
Me miliona afrikanojugorë u lutën për shëndetin e heroit të tyre kombëtar, Nelson Mandela, ndërsa kishat në të gjithë vendin përfshijnë lutjet për 94-vjeçarin në meshën e tyre të Pashkëve.
Me qindra mijëra persona u grumbulluan në kishën e “Regina Mundi” në Soveto, një simbol i luftës kundër aparteidit, mbizotërimit të pakicës së bardhë, ndaj shumicës me ngjyrë në Afrikën e Jugut.
Presidenti i parë pas fitimit të demokracisë, Mandela vuajti 27 vite burg, duke u shndërruar në një simbol të luftës për barazi shoqërore dhe demokraci.
Mandela qëndron i shtruar në spital prej katër ditësh, për shkak të problemeve në frymëmarrje.
Nuk janë publikuar detaje mbi gjendjen e tij shëndetësore apo kohëzgjatjen e trajtimit që po merr në spital.
Prej disa vitesh, presidenti i parë me ngjyrë në vendin ish-koloni britanike, Mandela është tërhequr nga jeta publike në Afrikën e Jugut, për shkak të problemeve të tij shëndetësore.
Top Channel
