Siri, bombardohet universiteti
28/03/2013 16:55
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Universiteti i Damaskut, në Siri, u godit të enjten me predha mortaje, në një sulm që i kushtoi jetën 12 studentëve.
Lajmi u raportua nga Televizioni Shtetëror Sirian, i cili fajësoi si zakonisht kryengritësit për këtë ngjarje.
Në qendër të sulmit u vendos fakulteti i arkitekturës. Disa dhjetëra persona, kryesisht studentë, mbetën të plagosur.
Aktualisht, luftime të ashpra janë duke u zhvilluar midis trupave të ushtrisë së rregullt të Bashar al-Assad dhe kryengritësve në kryeqytetin Damask.
Sipas Organizatës së Kombeve të Bashkuara, mbi 70 mijë sirianë kanë humbur jetën në dy vite luftë civile, ndërsa mbi një milionë të tjerë janë shpërngulur si refugjatë lufte jashtë vendit.
Top Channel
