F1, Alonso: E nisëm me këmbë të mbarë
18/03/2013 11:30
Nga Superiorja në Conference League, katër arbitra shqiptarë do të vendosin drejtësi në duelin europian 26/11 16:12
Fernando Alonso u shpreh i kënaqur pasi përfundoi i dyti garën e parë sezonale të Formulës 1, pas Kimi Raikkonen me Lotus dhe duke lënë pas Sebastian Vettel me Red Bull.
“Ishte një garë shumë e mirë, një mënyrë shumë e mirë për të nisur kampionatin”, theksoi spanjolli i Ferrarit.
“Ishte një fundjavë e ndërlikuar për kushtet atmosferike dhe mendoj se u treguam solidë dhe të qetë për ta përballuar më së miri. Fitorja do të ishte qershia mbi tortë”, shtoi Alonso.
Ferraristi nuk e fshehu kënaqësinë e fillimit të mirë të sezonit, gjë që nuk i kishte ndodhur në dy vitet e fundit: “Dola i dyti në garën e parë dhe jam personi i dytë më i lumtur pas Raikkonen. Duket se kemi një makinë më të mirë se herët e tjera, por këtë gjë duhet ta konfirmojmë në garën e ardhshme në Malajzi.”
Top Channel
