Sebastian Vettel, i cili dominoi provat e lira të Cmimit të Madh të Australisë, u shpreh i kënaqur me nisjen e fundjavës.
“Në përgjithësi ishte një ditë e mirë për ne. Nuk patëm asnjë problem me makinën dhe kjo është e rëndësishme”, theksoi piloti gjerman i Red Bull.
Më tej, 25-vjeçari foli edhe për gomat Pirelli: “Të butat nuk zgjasin shumë, por të fortat janë shumë mirë për garën. Gjithsesi, nuk e dimë se si do ndikojë klima tek gomat dhe për këtë arsye duhet të jemi gati për të ndryshuar gjëra në makinë për tu përshtatur.”
Gara e parë e sezonit të ri të Formulës 1 do të zhvillohet të dielën (ora 07:00) dhe do të transmetohet drejtpërdrejtë në Top Channel.
Top Channel
