Kryeimami i Egjiptit sulmon Benediktin XVI
14/03/2013 15:50
J.D Vance, profili i një prej nënpresidentëve më të rinj në historinë e SHBA-së 17/01 21:37
Kryeimami i Egjiptit, Ahmed el Tayyeb, sulmoi Papën në pension, Benedikti XVI, në deklaratë të lexuar nga këshilltari i tij diplomatik, Abdel Gawad.
”Problemi ynë nuk është me Vatikanin, por me Papën gjerman, që foli për mbrojtjen e pakicave fatare në Egjipt, duke e përshkruar islamin si një besim të përgjakshëm”, deklaroi Gawad.
”Shpresojmë që Papa i ri të thotë ndonjë fjalë të mirë, jo për kryeimamin, por për islamin në tërësi”, shtoi ai.
El-Tayyeb, i zgjedhur në krye të Universitetit Islamik të Al-Zharit dhe Komunitetit Sunit Egjiptian në vitin 2010 nga ish-presidenti Mubarak, konsiderohet si një prej figurave më të moderuara mes klerikëve egjiptianë.
Megjithatë, ai disa herë protestoi kundër Vatikanit dhe zhvlerësoi lutjet e Benediktit XVI, për rreth 10 milionë egjiptianët e krishterë, që jetojnë në kushte represioni në vend.
Rreth 12% e popullsisë prej 84 milionë banorësh të Egjiptit i përkasin besimit të krishterë, shumica e tyre besimtarë të një nëndege të katolicizmit, e quajtur kopte.
Ndonëse të drejtat e kësaj pakice respektoheshin në mënyrë të pranueshme nga ish-diktatori Mubarak, zgjedhjet e 2012-s, që sollën në pushtet Vëllazërinë Muslimane, sollën një përkeqësim të beftë të situatës së këtij komuniteti në vendin me shumicë dërrmuese myslimane.
Papa në pension, Benedikti XVI, gjatë drejtimit të tij 7-vjeçar të Vatikanit i konsideroi vazhdimisht katolikët si anëtarët e besimit më të shpytur dhe të luftuar në botë, duke u lutur sidomos për besimtarët e Lindjes së Mesme dhe vendeve me shumicë myslimane në Afrikë.
Top Channel
