Disiplina ndëshkon Besën e Deden
13/03/2013 00:00
LIVE ZVICËR-GJERMANI/ Shkelmohet topi i parë në Frankfurt, skuadrat kërkojnë të vulosin fatin në grup 23/06 21:00
Komisioni i Disiplinës në FSHF ka dënuar me 1 ndeshje pa tifozë skuadrën e Besës duke e arsyetuar këtë vendim me dështim në përmbyshjen e përgjegjësive për zhvillimin e një ndeshjeje.
Përvec kësaj klubi i Besës është dënuar edhe me 200 mijë lekë gjobë. Pas ndeshjes së fundjavës së kaluar Besa-Tirana, trajneri i skuadrës kryeqytetase denoncoi dhunën e ushtruar nga kryetari i Bashkisë së Kavajës, Elvis Rroshi gjatë pushimit të ndeshjes.
Pas denoncimit të Dedes, kryebashkiaku i Kavajës u arrestua vendim ky që më pas gjykata e cilësoi si të paligjshme.
Ndërkohë komisioni i Disiplinës ka dënuar me 4 ndeshje pezullim trajnerin e Besës, Perparim Daiu për sjellje josportive ndaj lojtarit kundërshtar dhe gjithashtu me 2 ndeshje pezullim trajnerin e Tiranës Nevil Dede për provokim të publikut.
Pjesë e vendimeve të Disiplinës ka qenë dhe lojtari i Besës Sokol Cikalleshi i cili është pezulluar 1 ndeshje.
Disiplina mori vendim edhe për incidentin e ndodhur në Gramsh ku kryetari i Bashkisë hyri me automjet në fushë. Lidhur me këtë incident, Gramshi u dënua me zhvillimin e ndeshjeve në fushë asnjëanëse për të gjithë pjesën e mbetur të sezonit.
Top Channel
