Pastor Maldonado është shprehur se po pret me padurim nisjen e botërorit të Formulës 1 dhe shtoi se ka shpresa që këtë vit skuderia Williams të jetë “më kompetitive se sezonin e kaluar”.
“Kemi punuar shumë gjatë dimrit për të përmirësuar makinën dhe nga ato që pashë në testimet e Barcelonës them se kemi potencial të mirë”, deklaroi piloti venezuelian.
“Sigurisht që nuk e dimë punën që kanë bërë skuderitë e tjera, por duke parë punën e inxhinierëve, dizenjuesve dhe teknikëve tanë, mendoj se jemi në rrugë të mbarë”, shtoi Pastor Maldonado.
Kampionati botëror i Formulës 1 do të nisë më 17 mars me Cmimin e Madh të Australisë.
Top Channel
