Lewis Hamilton ka sqaruar për ata që ende nuk e kishin kuptuar se rivali i tij kryesor në botën e Formulës 1 është Fernando Alonso, piloti i Ferrarit dhe ish-shoku i skuadrës tek McLaren.
“Është folur shumë për konkurrencën mes meje dhe Jenson Button, por mua më motivon më shumë konkurrenca me Fernando Alonson. Ai është piloti që dua të mund në pistë. Sigurisht që më pëlqen edhe të mund Vettel, por Alonso është piloti më i shpejtë që kam parë dhe më me eksperiencë”, deklaroi Hamilton për ‘Daily Mail’.
Hamilton këtë sezon do të nisë aventurën e re me Mercedes dhe objektivi i tij është i qartë: “Dua të përfundoj kampionatin para Alonsos! Ferrari është një makinë e shpejtë këtë vit dhe është një sfidë e madhe për mua.”
Në prag të sezonit të ri që do të nisë më 17 mars me garën e Melburnit, britaniku është në 100% të formës: “Kam besim që nënshkrimi me Mercedes ishte vendimi i duhur. Është vendi perfekt për të punuar dhe jam i lumtur me ambientin.”
Top Channel
