Italia në dorën e Montit
05/03/2013 00:00
Koreja e Veriut lëshon raketë të re balistike e dizajnuar të kërcënojnë SHBA-në 31/10 09:44
Vështirësohet gjithnjë e me shume rruga që çon drejt krijimit të një
qeverie të re. Pasi nga votimet doli një shumicë në Dhomën e Deputetëve,
por jo në Senat ku e majta edhe po u bashkua me partine e krijuar nga
ish-kryeministri Mario Monti, nuk arrin të ketë 158 senatorë, minimumi i
nevojshëm për të mund të marrë përsipër krijimin e një Qeverie.
Situata e krijuar është shumë e veçantë dhe e ndërlikuar. Gjëndja rëndohet akoma më shumë sepse përkon më të ashtuquajturin gjashtëmujor të bardhë të presidentit të Republikës, periudha kur ai nuk shpërndan dot Parlamenti dhe nuk shpall dot zgjedhje te reja.
E në këto kushte nuk mund të përjashtohet edhe mundësia e vazhdimit të qeverisë teknike të Mario Montit deri në 15 maj, kur presidentit Napolitano i përfundon mandati. Pasi parlamenti te zgjidhte një president të ri republike, ky i fundit do të mund të shpërndante parlamentin dhe do të mund të shpallte zgjedhje te reja.
Por përpara se të ndodhë kjo, me sa duket presidenti Napolitano synon të bëjë ç’është e mundur për të zgjidhur këtë nyje përpara se t’i mbarojë mandati. Pas zhvillimit të zgjedhjeve ai duhet patjetër të ngarkojë dikë për krijimin e qeverisë. Megjithë rrethanat e krijuara ai duhet të provojë të gjitha mundësitë, nëse të gjitha përpjekjet dështojnë, presidenti i republikës mund të vendosë vazhdimin e punës së qeverisë së dorëhequr të Montit. Ose të japë dorëheqjen vetë përpara kohë për të përshpëjtuar gjithë procesin. Hipotezë kjo që duket shumë e largët për presidentin Napolitano, i cili ka dëshmuar vitalitet dhe aftësi për të nxjerrë vendin nga situata të vështira.
Top Channel
