SHBA dërgon trupa në Niger
22/02/2013 20:30
Groenlanda celebron pistën e re të aeroportit të Nuuk, në pritje të ‘turizmit arktik’ (fotot)
29/11 19:20
Shtetet e Bashkuara të Amerikës vendosën që të dërgojnë 100 marinsa në shtetin afrikan të Nigerit, për të asistuar forcat franceze që po luftojnë në Malin fqinj.
Këtë e bëri të ditur vetë presidenti Barack Obama, në një prononcim për mediat.
SHBA nuk mund të ndërhyjnë ushtarakisht në Mali pasi qeveria e sulmuar nga militantët islamikë nuk ishte e zgjedhur në mënyrë të rregullt, por kishte ardhur në fuqi nëpërmjet një grushti shteti dhe nuk njihet nga Uashingtoni.
Qëllimi kryesor i trupave të vendosura në Niger do të jetë ai i sigurimit të prapavijës franceze dhe i shërbimit me informacione sekrete.
Një muaj më parë, SHBA dhe Nigeri nënshkruan një marrëveshje që lejon Pentagonin të ngrejë një bazë për avionët pa pilotë në vendin e varfër afrikan, të vendosur në kufi me Nigerinë dhe Malin, vende të trazuara nga ekstremistët islamikë.
Franca, ish-zotëruesi kolonial i Malit, pranoi në 10 janar thirrjen e qeverisë vendase për ndihmës, pas avancimit të militantëve në veri.
Top Channel
