Rusi, tërmet 6.9 rihter në Siberi
14/02/2013 16:10
Qeveria australiane miraton projektligjin, fëmijëve u ndalohet përdorimi i rrjeteve sociale 27/11 14:21
Një tërmet me magnitudë 6,9, sipas shkallës së vlerësimit të rihter, tronditi ditën e enjte Siberinë Lindore.
Sipas Institutit Gjeologjik Amerikan, lëkundjet u regjistruan në një zonë rreth 900 kilometra nga kryeqyteti i krahinës, Jakutsku.
Duke qenë se epiqëndra goditi një zonë pothuajse krejtësisht të pabanuar, ai nuk shkaktoi dëme ekonomike apo në njerëz.
Megjithatë, ekspertët mbeten të shqetësuar në lidhje me aktivitetin e lartë sizmik që po shfaq së fundmi Azia Lindore, ku përveç këtij tërmeti, janë regjistruar edhe disa të tjerë të nivelin 6-7 rihter.
Përsëritja e disa tërmeteve në zona të afërta është shenjë e lëvizjes së pllakës tektonike ku këto territore vendosen dhe tregues se një tërmet madhor mund të godasë brenda disa viteve.
Sipas shkallës rihter, tërmetet me magnitudë deri 5.9 konsiderohen të dobët ose të mesëm, ato deri në 6.9 të fuqishëm, ato deri në 7.9 tepër të fuqishëm dhe ato mbi 8.0, si jashtëzakonisht të fortë.
Top Channel
