Kolumbi, përplasje ushtri-FARC, 7 të vdekur
14/02/2013 03:50
Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Të paktën 7 ushtarë kolumbianë kanë vdekur dhe 5 të tjerë janë plagosur në përplasjet me grupin më të madh rebel të vendit, FARC.
Luftimet kanë ndodhur në një zonë rurale të provincës jugore të Caqueta-s.
Edhe pse qeveria dhe përfaqësues të rebelëve janë në bisedime paqeje, në përpjekje për t’i dhënë fund konfliktit të gjatë prej 5 dekadash, situata është tensionuar sërish, pasi FARC i dha fund armëpushimit dypalësh muajin e kaluar.
Ushtria kolumbiane bëri të ditur se ka patur informacione për sulmet e rebelëve në fshatin San Antonio de Getucha. Ushtarët nisën një operacion për të parandaluar sulmin e planifikuar, “duke avancuar në zemër të komandove të FARC-ut në jug”.
Në një deklaratë të tyren, ushtria njoftonte se ka patur një “numër të papërcaktuar” viktimash në krahun e rebelëve. Qeveria e Kolumbisë ka refuzuar të pranojë armëpushimin, duke thënë se operacionet e saj ndaj FARC do të ndaleshin vetëm kur të arrihej marrëveshje për paqe.
Top Channel
