Zgjedhjet në Itali, kryeson Bersani

Partia Demokratike e Pier Luigi Bersanit kryeson me pesë pikë, pavarësisht skandalit mbi një bankë të Sienës apo rilindjes politike të Silvio Berlusconit.

Janë “të pavendosurit” që mund të ndryshojnë rezultatin, por shumica e sondazheve parashohin fitoren e Bersanit, të cilit do t’i duhet një aleat në Senat, ku vendet përcaktohen nga rajonet. Deri tani ka një diferencë prej tre pikësh mes qendrës së majtë dhe asaj të djathtë. Më i mundshmi është Mario Monti.

Gjatë kësaj jave, Monti dhe Bersani kanë nisur të shkëmbejnë oferta mes tyre, por çdo aleancë e mundshme kundërshtohet fuqishëm nga partia “E Majtë, Ekologji Liri”, partnere në koalicionin e qendrës së majte e drejtuar nga Nichi Vendola.

Monti i kërkoi Bersanit ta braktisë aleatin ose për ndryshe do t’i bëjë keq investitorëve ndërkombëtare. Profesori James Waltson, nga Universiteti Amerikan i Romës, mendon se prania e Montit në qeveri do t’i japë më shumë besim Europës dhe tregjeve, madje edhe më shumë forcë qeverise.

Disa analistë janë të mendimit se çdo aleancë do të rezultojë e dobët, me gjasa do të shembet brenda pak muajsh. Por Waltson tha se kjo zor se do të ndodhë nëse do të mbahet parasysh nevoja e dëshpëruar e Italisë për të ruajtur pozicionin e fituar në arenën ndërkombëtare. Një gjë është e sigurt, Europa do t’i ndjekë me shumë vëmendje këto zgjedhje në Itali.

Top Channel