Të paktën 26 persona kanë gjetur vdekjen nga shpërthimi i një kamioni të ngarkuar me fishekzjarre në Kinën Qendrore.
Sic raportojnë mediat kineze, kamioni shpërtheu në momentin që po udhëtonte mbi një urë. Shpërthimi ka qenë aq i fortë sa ka shkaktuar shembjen e urës dhe dhjetra makina kanë rënë nga një lartësi e konsiderueshme.
Dhjetra persona raportohen të lënduar, disa prej të cilëve në gjendje të rëndë. Autoritetet kanë nisur hetimet për të zbardhur shkaqet e shpërthimit tragjik.
Kamioni i mbushur me fishekzjarre ishte i destinuar për festimet e vitit të ri kinez, që këtë vit festohet më 9 shkurt.
Top Channel
