Rusia rikthehet në epokën “sovjetike”
31/01/2013 19:55
Rrezikohen dhe jetët e njerëzve, Irlanda bëhet gati për një nga stuhitë më të frikshme në vend 23/01 22:00
Presidenti i Rusisë, Vladimir Putin, ka rikthyer erën e epokës sovjetike në vend, vlerësoi një grup i të drejtave të njeriut.
Sipas “Human Rights Watch”, shtypja e protestave dhe ligjet e debatueshme të miratuara nga Putin përbëjnë shkeljen më flagrante të të drejtave të njeriut që prej rënies së Bashkimit Sovjetik.
Për “HRW”, është frika e Putin nga protestat masive ajo që ka motivuar disa ligje që kufizojnë të drejtën e manifestimeve, duke kërcënuar me burg këdo që merr pjesë në protesta, për të cilat nuk është dhënë leja paraprake nga autoritetet.
Në bazë të këtij ligji, disa përfaqësues të opozitës përballen tashmë me gjoba apo mundësinë e burgosjes.
Një tjetër ligj i debatuar ishte ai që lejon Moskën të censurojë pjesërisht publikimet e shtypit vendas.
Moska nuk ka reaguar ende zyrtarisht ndaj komenteve të “Human Rights Watch”.
Megjithatë, një zëdhënës u shpreh se “situata e të drejtave të njeriut në Rusi nuk është ndër më të këqijat”, ndërsa shtoi se hartuesit e këtij raporti, SHBA dhe vendet e BE-së, duhe të adresojnë më parë “shkeljet e shumta” që ndodhin brenda vendeve të tyre.
Top Channel
