“AF F-16”, gjendjen gjurmë karburanti

Kërkimet janë fokusuar në këtë hapësirë detare, ndërsa mësohet se avioni kishte sinjalizuar kullën e kontrollit për një problem, por pa e specifikuar atë.

“Air Force” u vu në kërkim të një avioni luftarak F-16, në brigjet
italiane të detit Adriatik, pasi humbi kontaktet me të, gjatë një
misioni trajnimi.

Krerët e “Krahut të 31-të Luftarak” (31st Fighter Wing), në bazën ajrore të Avianos në Itali, kanë dhënë një njoftim të shkurtër, ku thonë se avioni F-16 kishte një pilot në bord, në momentin kur humbën kontaktet mbrëmjen e së hënës.

“Avioni ishte me mision trajnimi mbi detin Adriatik, me një person në bord. Gjendja e pilotit nuk dihet momentalisht”, thuhej në deklaratën e “Air Force”.

Nuk jepet asnjë e dhënë në lidhje me fatet e aeroplanit, apo pilotit, por nga informacionet paraprake mësohet se F-16 nuk ka qenë me armë në bord.

Edhe roja bregdetare italiane nisi kërkimet për avionin amerikan, me varka motorrike, ndërsa Carabinieri-t dhe Forcat Ajrore italiane dërguan helikopterë, teksa rënia mendohet të ketë ndodhur pranë zonës së Cervias (Ravenna), rreth orës 20:00.

Kërkimi është përqendruar në ujërat midis Cervia dhe Cesenatico, në fundin veri-perëndimor të Adriatikut, në një gjatësi prej 9,5 miljesh.

Agjencia e lajmeve italiane, LaPresse, tha se F-16 ka dërguar një sinjal alarmi drejt bazës në Aviano, përpara se të zhdukej. U njoftua gjithashtu se ishin edhe 3 avionë të tjerë F-16, që po fluturonin në të njëjtin mision, por këta të fundit janë kthyer në bazë në gjendje optimale.

Top Channel