Franca vijon ofensivën në Mali
27/01/2013 00:00
Suksesi i 10-të i anijes kozmike së SpaceX, shihni videon e fluturimit dhe uljes mbresëlënëse në Oqeanin Indian 27/08 14:37
Forcat e kryesuara nga francezët në Mali po avacojnë drejt qytetit verior Timbuktu ndërsa vazhdojnë ofensivën e tyre kundër rebelëve islamikë.
Të shtunën, trupat në fjalë morën kontrollin e Gaos, një tjetër qytet i rëndësishëm në veri të vendit.
Avancimi vjen në kohën kur liderët e Unionit Afrikan takohen për të diskutuar dërgimin e ushtarëve të tjerë në Mali. Militantët islamikë pushtuan veriun e vendit vitin e kaluar, por që prej ndërhyrjes së francezëve në fillim të muajit, kanë humbur terren e janë tërhequr nga disa zona.
Shumë rebelë, sipas raporteve në media, janë larguar drejt vendeve të fshehta në shkretëtirë dhe ndjekja e tyre mund të rezultojë më e vështirë nga sa mendohet. Në mbrojtjen e kryeqytetit Bamako për çdo rast ndihmojnë edhe trupat nga Nigeri e Cadi.
Timbuktuja ka qenë një qendër e rëndësishme islamike nga shekulli i 13 deri në të 17.
700.000 dorëshkrime të kohës kanë mbijetuar deri në ditët tona e gjenden ose në bibliotekat publike ose në duart e koleksionistëve privatë. Për tre xhamitë e tij e 16 varrezat dhe mauzoletë, Timbuktuja iu shtua në vitin 1988 listës së trashëgimisë botërore të Unesco-s.
Top Channel
