Vlorë, aksident, plagosen 9 persona

Në njërin prej tyre ndodheshin punonjës të kompanisë CEZ, të cilët po ktheheshin nga fshati Oshëtimë, ndërsa furgoni tjetër transportonte mallra.

Policia tha se shkak i aksidentit ishte mosrespektimi i rregullave të qarkullimit rrugor dhe shpejtësia mbi normat e lejuara.

Për fat të mirë në këtë rast nuk pati viktima, ndryshe nga aksidenti i dy ditëve më parë në aksin Elbasan-Librazhd, ku dy persona gjetën vdekjen në vendin e quajtur Kryqëzimi i Babjes.

Mjeti me targa “AA 582 FC” u përplas me një maune me targa maqedonase dhe për pasojë një prej personave mbeti i vdekur në vend, ndërsa tjetri ndërroi jetë në spitalin e Librazhdit.

Ndërkohë, dy persona të plagosur u dërguan në të njëjtin spitalin në gjendje të rëndë dhe pak më vonë u dërguan për në Spitalin Ushtarak në Tiranë.

Nga të dhënat e para rezultoi se aksidenti ishte shkatuar nga shpejtësia e mjeteve dhe lagështira në rrugë. Policia shoqëroi drejtuesin e maunes, shtetasin maqedonas Peco Stojanovski.

Ky ishte aksidenti i parë me pasoja tragjike për vitin 2013 në qarkun e Elbasanit. Një vit më parë në këtë qark u shënuan 109 aksidente me 29 të vdekur.

Ndërsa në fillim të javës një grua humbi jetën në një aksident në Lezhë, pasi u përplas nga një makinë në ecje e sipër.

50-vjeçarja Nushe Alia ishte duke kaluar nga njëra anë e rrugës në tjetrën, në hyrje të qytetit, kur një automjet e përplasi duke i shkaktuar vdekjen e menjëhershme.

Top Channel