Venezuelë, trazira e të vdekur në burg
26/01/2013 04:46
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Të paktën 50 persona kanë vdekur nga trazirat e ndodhura brenda një burgu në perëndim të Venezuelës, bën të ditur stafi i spitalit.
Sherri u shkaktua, pasi një media lokale transmetoi një lajm se ushtarët do të dërgoheshin në burgun e Uribana-s, në Barquisimeto, për të kërkuar për armë, siç bëri të ditur kreu i Ministrisë së Burgjeve, Iris Varela.
Drejtori i spitalit, Ruy Medina, tha për agjencinë e lajmeve AFP, se rreth 90 persona u plagosën, pjesa më e madhe e të cilëve nga plagët e shkaktuara nga armët e zjarrit. Mes të vdekurve përfshihen të dënuar, roje dhe punonjës të burgut.
Carlos Nieto Palma, koordinator i organizatës jo-qeveritare “Një dritare drejt Lirisë”, që punon në burgjet venezueliane, tha për BBC se numri i të vdekurve mund të rritet.
“Ajo që duhet të ishte një procedurë normale në cilindo burg, përfundoi në një përplasje mes ushtarëve të Gardës Kombëtare dhe të burgosurve”, tha ai.
Top Channel
