Të paktën 10 persona janë vrarë dhe 20 të tjerë janë plagosur në një atentat vetëvrasës në një treg të populluar në qytetin veri-lindor të Kunduzit, në Afganistan.
Lajmin e bëjnë të ditur autoritetet afgane. Shefi i policisë lokale tha se shefi i anti-terrorizmit dhe ai i policisë së qarkullimit rrugor janë mes personave të vdekur.
Për momentin askush nuk ka marrë përsipër përgjegjësinë e sulmit, por së fundmi guerrilasit talebanë kanë qenë prapa sulmeve të ngjashme.
“Për fat të keq më duhet të konfirmoj se shefi i anti-terrorizmit dhe ai i qarkullimit rrugor për Kunduzin janë vrarë në sulmin e sotëm, i kryer në qendër të provincës sonë”, deklaroi shefi i policisë, gjenerali Khalil Andarabi për BBC.
Po gjatë së shtunës, një atentator vetëvrasës në bordin e një biçiklete vrau dy civilë në provincën jug-lindore të vendit, Gazni.
Ndërsa të premten, një atentator me një autobombë sulmoi një autokolonë të NATO-s në provincën strategjike të Kapisës, duke vrarë 5 civilë dhe plagosur 15 të tjerë.
Top Channel
