Policia e Gjirokastrës ka sekuestruar 50 kilogramë hashash pranë kodrave tek Uji i Ftohtë.
Lënda narkotike po transportohej me mushkë nga një person, i cili e ka braktisur atë sapo ka parë policinë.
Policia bën të ditur se e ka identifikuar personin që transportonte drogën dhe pritet arrestimi i tij.
Ndërsa në Kakavijë, një shtetas italian është arrestuar dhe i janë sekuestruar 15 kilogramë hashash.
Shtetasi italian Iginios De Filippi e kishte fshehur drogën në makinë.
Sipas burimeve policore, 25-vjeçari italian po udhëtonte drejt Greqisë.
Top Channel
