Biden, tur të gjatë në Evropë
18/01/2013 21:25
Hezbollahu sulmon Izraelin me 250 raketa dhe predha! 24/11 20:21
Në fillim të shkurtit, zëvendëspresidenti i Shteteve të Bashkuara do të nisë një tur të gjatë në konfinentin e vjetër, bën të ditur Shtëpia e Bardhë.
Sipas një njoftimi për shtyp, të cilit i referohen mediat amerikane, Biden do të vizitojë Gjermaninë, Francën dhe Britaninë e Madhe.
Në Berlin, Biden do të takojë kancelaren Angela Merkel, në Paris presidentin Francois Holande dhe disa anëtarë të qeverisë, ndërsa në Londër kryeministrin Cameron dhe zëvendësin Nick Clegg.
Shtëpia e Bardhë ka preferuar të bëjë me dije se në këto takime numri dy i saj do të trajtojë çështje bilaterale, rajonale dhe globale.
Në media thuhet se vizita bëhet për të parë nivelin e marrëdhënieve të Shteteve të Bashkuara me evropianët, pak kohë pasi presidenti Barack Obama siguroi mandatin e dytë qeverisës.
Top Channel
