Zbutësi i peshkaqenëve
16/01/2013 13:40
FOTO/ 112-vjetori i Pavarësisë, Dua Lipa urim special për shqiptarët, përdor vargjet e himnit kombëtar 28/11 13:36
Eli Martinez është një 41-vjeçar i cili ka kaluar shumë kohë me peshkaqenët-tigër dhe tashmë këta grabitqarë vdekjeprurës nuk e shohin më si një vakt, por si një lodër.
Martinez ka mësuar se si të përkëdhelë një nga llojet më të rrezikshëm të peshkaqenëve dhe tashmë i lejon vetes edhe të bëjë foto me ta në Bahamas.
Zhytësi nga Teksasi i Shteteve të Bashkuara të Amerikës ka një dekadë që kalon kohë disa herë në vit me peshkaqenët-tigër, por nuk harron kurrë se bëhet fjalë për një nga grabitqarët më të rrezikshëm të botës.
“Janë kafshë të egra dhe kurrë nuk mund të jesh i qetë 100%. Duhen trajtuar me respekt të gjithë. Unë nuk afrohem vetëm me peshkaqenë-tigër, por edhe me peshkaqenë më të vegjël. Edhe ata duhen respektuar njësoj si të mëdhenjtë”, thekson Martinez për ‘Daily Mail’.
Top Channel
