Policia izraelite shpërnguli me dhunë disa dhjetëra palestinezë dhe aktivistë të huaj, të cilët ishin vendosur me çadra në Bregun Perëndimor, në një zonë ku Tel Avivi ka shpallur ndërtimin e vendbanimeve të reja hebrehe.
Në një aksion të realizuar mëngjesin e së dielës, autoritetet izraelite shpërndanë me forcë aktivistët e vendosur në 20 tenda në zonën E1, të ndodhur midis Jeruzalemit dhe vendbanimit të Maale Aduminit.
Ndërhyrja e policisë erdhi pas një vendimi të Gjykatës së Lartë, e cila shpalli protestën e aktivistëve si të paligjshme.
Sipas palestinezëve, ndërtimi në zonën E1 do të “minonte” ekzistencën e një shteti të ardhshëm palestinezë, pasi do të hynte si “pykë” në zonën më të rëndësishme ekonomike dhe demografike të Bregut Perëndimor.
Nuk është e qartë nëse nga ndërhyrja e forcave policore pati të plagosur, me autoritetet izraeltite që mohojnë të ketë pasur të lënduar, në të njëjtën kohë që burimet palestineze flasin për gjashtë të plagosur.
Pasi Organizata e Kombeve të Bashkuara i akordoi Palestinës statusin e vendit kandidat më parë gjatë 2012-s, Izraeli shpalli ndërtimin e vendbanimeve të reja të kolonëve izraeltië në territorin e pushtuar palestinez, pavarësisht protestave ndërkombëtare.
Top Channel
