Aleanca Kuqezi prezantoi hartimin e projektligjit “Për kufizimin e
drejtuesve të lartë të politikës dhe shtetit shqiptar”, ku përmes
ndryshimeve kushtetuese kjo forcë politike thotë se që nga Kryeministri e
deri tek drejtuesit e çdo institucioni nuk duhet të kenë të drejtë të
zgjidhen më shumë se dy mandate.
Në Këshillin Kombëtar të AK-së, Kreshnik Spahiu tha se mandatet e pakufizuara kane qene burimi i tranzicionit të gjatë dhe i krizave të vazhdueshme politike dhe institucionale.
“Në vitin 1968 ku shumë prej nesh nuk kishim lindur ende u shfaq në skenën politike shtetasi Sali Berisha në funksionin e Sekretarit të Partisë Komuniste, funksion të cilin e mbajti për 22 vite deri më 1990. Më pas për 7 mandate rresht ai kryeson Partinë Demokratike edhe për 23 vite të tjera. Për dy mandate në funksionin e Presidentit të Republikës dhe për dy mandate të tjera në funksionin e Kryeministrit të Shqipërisë. Përballë tij ndodhet Edi Rama, i cili për 12 vite drejtoi qeverinë e Tiranës duke tentuar që për herë të katërt të fitonte mandatin e Kryetarit të Bashkisë. Një tjetër bashkëpuntor i shtetasit Berisha është Iliri Meta, i cili u zgjodh për herë te tretë në mandatin e Kryetarit të Partisë LSI, duke ndryshuar statutin e partisë”, tha Spahiu.
Edhe ne krye te bashkive dhe komunave po ashtu vijojne te drejtojne njerez qe kane mbi tre mandate duke u shndërruar siç tha ai ne mafiozet e vegjel të qyteteve dhe fshatrave. Spahiu nënshkroi marrëveshjen me Këshillin Drejtues se ai nuk do të qëndrojë më shumë se dy mandate në krye të kësaj force politike.
Top Channel
