Babai, vrasës virtual për të “vrarë” të birin
08/01/2013 00:00
Video/ Gara më e shpejtë në botë, IShowSpeed sfidon një gepard dhe zbulon kufijtë njerëzorë 09/01 22:32
Një person në Kinë ka punësuar një “vrasës” virtual për të larguar të birin nga lojrat elektronike online dhe për të vrarë avatarin e tij, bëjnë të ditur mediat lokale.
Personi në fjalë, i identifikuar si zoti Feng, ishte i shqetësuar për kohën e gjatë që i biri 23-vjeç dhe i papunë kalonte online.
Ai shpresonte se veprimet e “vrasësit” do të largonin nga kompjuteri djalin e tij, i cili filloi të pyeste lojtarët përse e kishin vënë në shënjestër.
Profesori Mark Griffiths, një ekspert i elektronikës në Nottingham Trent University e komentoi veprimin për BBC, duke u shprehur skeptik.
“Nuk e kisha dëgjuar më parë këtë ndërhyrje, por nuk mendoj se do të ketë shumë efekt. Kalimi i kohës online është zakonisht një simptomë që vjen nga një problem i caktuar”, tha Griffiths.
Ai u shpreh se ka dëgjuar shqetësimet e shumë prindërve për fëmijët e tyre që kalojnë kohën me lojra, por zakonisht nuk bëhej fjalë për një fiksim.
“Kam kaluar 25 vjet duke studiuar fenomenin e lojrave elektronike. Nuk ka të bëjë koha që kaloni duke bërë diçka, por impakti që ajo ka në jetën tuar”, nënvizoi Griffiths.
Top Channel
