Me Snejder drejt lamtumirës, Inter po mendon për një mesfushor tjetër. Mediat italiane bëjnë të ditur se Fenerbahce kërkon të huazojë portugezin Raul Meireles deri në muajin qershor dhe klubit italian i intereson kjo zgjidhje.
29-vjeçari do i bënte punë zikaltërve pasi në mesfushë Interi po vuan dëmtimet e shumë lojtarëve.
Ish-lojtari i Liverpool dhe Chelsea nuk po kalon një moment të mirë në Turqi dhe drejtuesit e Fenerbahce kërkojnë ta largojnë për disa muaj. Nga ana tjetër, Interi kërkon zëvendësues për elementë si Zanetti, Cambiasso dhe Guarin (pa përmendur Dejan Stankovic).
Gjithashtu, mesfushorët Mariga dhe Obi janë drejt largimit nga Interi pasi nuk kanë shfaqur aspak atë që pritej.
Top Channel
