Mandela, i qetë në shtëpinë e tij
29/12/2012 00:00
Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
Ish-presidenti i Afrikës së Jugut, Nelson Mandela ndodhet prej disa ditësh në shtëpinë e tij pasi kaloi dy javë në spital.
“Ai është më mirë dhe në praninë e familjes së tij”, ka dekalruar një nga dy vajzat e tij, Zenani Mandela Dlamini.
Heroi i luftës kundër aparteidit, aktualisht 94 vjeç, u shtrua në spital më 8 dhjetor për shkak të një infeksioni në mushkëri dhe iu nënshtrua edhe një ndërhyrjeje.
Familjarët kanë përgënjeshtruar ndërkohë zërat se fituesi i çmimit Nobël për Paqen është kthyer në shtëpi sepse ndodhet në prag të vdekjes.
Ky shtrim në spital ka qenë më i gjati për presidentin e parë me ngjyrë të Afrikës së Jugut që kur la burgun në vitin 1990.
Zoti Mandela jeton në Kunu, një fshat rural në provincën e Kepit Lindor, ku ai thotë se ka kaluar ditët më të lumtura të fëmijërisë së tij.
Ai u tërhoq nga jeta publike në vitin 2004 dhe që atëherë është shfaqur rrallë herë në publik.
Top Channel
