Tragjedia, Prishtina ngushëllon SHBA

“Në emër të institucioneve të Republikës së Kosovës, të qytetarëve dhe në emrin tim personal, pranoni ngushëllimet më të sinqerta për humbjen e jetëve të qytetarëve tuaj dhe për dhimbjen shkaktuar familjeve dhe popullit amerikan nga kjo ngjarje e rëndë”, thotë Jahjaga në mesazhin e saj.

Kryetarja e shtetit kosovar shprehet gjithashtu se, në këto momente të vështira, mendimet dhe lutjet e saj dhe të popullit kosovar janë me popullin amerikan.

Edhe ministri i Jashtëm, Enver Hoxhaj ka ngushëlluar sekretaren amerikane të Shtetit, Hillary Clinton, për këtë ngjarje që u mori jetën edhe fëmijëve.

“Në emër të qytetarëve dhe institucioneve të Republikës së Kosovës, ju shpreh dhembjen dhe pikëllimin për këtë akt kriminal, i cili u mori jetën dhjetëra personave, shumica prej të cilëve fëmijë”, thotë Hoxhaj në mesazhin e tij.

Shefi i diplomacisë kosovare ka shprehur gjithashtu solidaritetin e qytetarëve të Kosovës me familjarët e viktimave, me autoritetet amerikane dhe me mbarë kombin amerikan në këto momente të vështira.

“Populli dhe qeveria e Kosovës ndajnë dhembjen dhe pikëllimin me familjet që kanë humbur të dashurit e tyre, duke iu bashkuar lutjeve të popullit amerikan”, thotë më tej Hoxhaj.

Top Channel