Spanja, Messi dhe Del Bosque, më të mirët
14/12/2012 16:30
Leao thyen heshtjen pas ngjarjes së ndodhur në stadiumin Olimpiko mes tij dhe trajnerit Allegri 17/03 01:25
Revista ‘World Soccer’ ka shpallur Messin si futbollistin më të mirë, Vicente Del Bosque si trajnerin më të mirë dhe Spanjën si skuadrën më të mirë të vitit 2012.
Argjentinasi i Barcelonës ka marrë 47,33% të votave, duke lënë pas Cristiano Ronaldon me 19,01% dhe Andres Iniestën me 9,77%. Votat janë dhënë nga tifozët dhe një juri e specializuar.
Kjo është hera e tretë që Messi përzgjidhet lojtari më i mirë i vitit nga kjo revistë që i dedikohet futbollit.
Gjithashtu revista ka publikuar edhe formacionin më të mirë të vitit: Iker Casillas, Philipp Lahm, Sergio Ramos, Vincent Kompany, Jordi Alba, Andrea Pirlo, Xavi Hernandez, Andres Iniesta, Leo Messi, Radamel Falcao dhe Cristiano Ronaldo.
Skuadra më e mirë është shpallur kombëtarja e Spanjës, ndërsa tekniku i saj, Vicente Del Bosque, është shpallur trajneri më i mirë.
Top Channel
