Merkel: Jo anëtarësime të reja në BE
14/12/2012 00:00
Ndodhej pranë brigjeve të Venezuelës, SHBA-të sekuestrojnë anije në ujërat ndërkombëtare 21/12 00:57
“Nuk është momenti i duhur që Bashkimi Europian të presë anëtarësime të reja, kjo jo për një të ardhme të afërt”.
Kjo është deklarata e kancelares gjermane Angela Merkel e lëshuar para ligjvënësve gjermanë në kohën kur në Bruksel mbahet samiti i vendeve të BE-së.
“Bashkimi Europian nuk do të marrë asnjë vendim për nisje negociatash anëtarësimi me vende të tjera. Për mendimin tonë ky nuk është momenti i duhur”, tha Merkel.
Përjashtim në fjalimin e kancelares gjermane bën Kroacia e cila ka bërë hapa para dhe në mes të 2013 pritet t’i bashkohet BE-së si anëtare me të drejta të plota.
Merkel sqaroi para deputetëve gjermanë se BE duhet të tregohet më e kujdesshme në të ardhmen për të vëzhguar vendet kandidate nëse plotësojnë standardet e BE-së, sidomos ato ekonomike dhe të tjera në luftën kundër korrupsionit dhe shtetit të së drejtës.
Top Channel
Ndodhej pranë brigjeve të Venezuelës, SHBA-të sekuestrojnë anije në ujërat ndërkombëtare 
