FIFA vendos: Kosova ndeshje miqësore, por…
14/12/2012 14:50
Maratona e Tiranës rikthehet me edicionin e tetë më 20 tetor, çmimet për 4.000 garues 28/09 12:49
Komiteti Ekzekutiv i FIFA-s vendosi të lejojë Kosovën të zhvillojë ndeshje miqësore në futboll, por duke vendosur disa kufizime.
Në vendimin e Komitetit, që u mblodh të premten në Tokio, thuhet se futbolli kosovar për të rinj, amatorë, skuadrat e femrave dhe klubet e Superligës së Kosovës mund të luajnë ndeshje miqësore me skuadrat e tjera, por jo përfaqësuesja e parë.
Kosova nuk është anëtare e FIFA-s. Që Federata e Futbollit të Kosovës të anëtarësohet në organizmin ndërkombëtar të futbollit më parë duhet që Kosova të jetë anëtare e OKB-së, ashtu sic është parashikuar në statutin e FIFA-s.
Në takimin e 21 majit të këtij viti FIFA fillimisht miratoi kërkesën e Kosovës për të zhvilluar ndeshje miqësore pa kushtëzime, por pas protestave të federatës serbe të futbollit dhe kreut të UEFA-s Michelle Platini, vendimi u pezullua dhe një vendim më specifik u kërkua nga Komiteti Ekzekutiv.
FFK bëri të qartë në kërkesën e saj se nuk po kërkonte anëtarësimin, por thjesht lejimin e zhvillimit të takimeve miqësore ndërkombëtare me vendet që kanë njohur pavarësinë e Kosovës.
Kërkesa e dërguar në zyrat e FIFA-s u mbështet edhe nga një peticion i sportistëve shqiptarë Lorik Cana, Xherdan Shaqiri, Granit Xhaka, Valon Behrami dhe Fatmire Bajramaj.
Top Channel
