Ukrainë, përleshje masive në Parlament
13/12/2012 16:20
Forcat izraelite futen në Libanin Jugor, mijëra armë nxirren nga bastisja e tuneleve dhe bunkerëve 01/10 16:48
Anëtarë të Parlamentit Ukrainas u përfshinë në një betejë masive, në seancën e parë inaguruese të legjislaturës së re.
Përballja pengoi votimin për kryeministrin e ri dhe folësin e Parlamentit.
Ish-kampioni i botës në peshat e rënda, tashmë udhëheqës i një prej partive të opozitës, Vitaly Klitchko, nuk mori pjesë në këtë ring të improvizuar, për fatin e mirë të deputetëve të tjerë, që i dhanë jetë një shfaqje të shëmtuar.
Përleshja nisi pasi anëtarë të opozitës, të irrituar, iu vërsulën disa deputetëve brenda radhëve të tyre, të cilët u shprehën kundër qëndrimit zyrtar të partisë së tyre.
Sipas drejtuesve të opozitës, “dezertimi” i deputetëve vjen pasi ata janë paguar nga autoritetet për të mbështetur “mazhorancën e korruptuar”.
Zgjedhjet e muajit tetor rikonfirmuan në pushtet partinë e udhëhequr nga presidenti Viktor Yanukovich, por organizatat perëndimore verifikuan shumë parregullsi në votime.
Top Channel
