Në New Orleans Arena, Lakers fituan ndaj Hornets ndeshjen e radhës të sezonit të rregullt në NBA, por lajmi ishte se Kobe Bryant arriti shifrën e 30 000 pikëve në karrierë.
Ylli i skuadrës kaliforniane është i pesti lojtar në historinë e basketbollit amerikan që kalon këtë kufi. Në moshën 34 vjeç e 104 ditë, ai është më i riu që arrin një shifër të tillë stratosferike.
Wilt Chamberlain e kishte arritur 30 mijë pikëshin kur mbushi 35 vjeç e 179 ditë, ndërsa Michael Jordan kur ishte 38 vjeç e 321 ditë.
Komisioneri i NBA-së, David Stern, ishte i pranishëm në takimin ku Bryant shkroi një tjetër kapitull të artë të karrierës së tij.
“Kobe është një lojtar me një talent të madh dhe është në nivelin e legjendave si Michael Jordan. Ka vite që luan në një nivel shumë të lartë dhe ka fituar shumë tituj duke treguar se vazhdon të jetë kompetitiv”, theksoi Stern.
Top Channel
