Irani lindor goditet nga tërmeti vdekjeprurës
06/12/2012 03:00
Kanada, Kryeministri Trudeau dënon protestat e dhunshme në Montreal 24/11 08:18
Tërmeti me magnitudë 5.5 ballë goditi pranë Zohan, në provincën e Khorasan-it jugor, shumë pranë kufirit me Afganistanin, bëri të ditur agjencia e lajmeve Fars.
Të paktën 20 njerëz u plagosën dhe shumë të tjerë u larguan nga shtëpitë e tyre në kryeqytetin e provincës Birjand, sipas burimeve.
Irani goditet shpesh nga tërmetet, në 2003-shin dhjetra mijëra njerëz u vranë nga një tërmet që goditi Bam-in.
Më shumë se 300 njerëz vdiqën nga 2 tërmete në veri-perëndim të Iranit, në gusht të këtij viti.
Qendra sizmiologjike e Universitetit të Teheranit bëri të ditur se tërmeti i fundit goditi më 20:38 (lokale), rreth 25 kilometra larg Zohan-it.
Televizioni shtetëror citoi një deputet lokal, Javad Heravi, të kishte thënë se ai shkatërroi ndërtesat rurale dhe kishte shkëputur linjat e telefonave e të energjisë.
12 fshatra u prekën nga ky tërmet, sipas televizionit në fjalë. Kërkimet e grupeve të shpëtimit ndodhen tashmë në terren, sipas raportimeve të mediave.
Top Channel
