Takimi Putin-Erdogan për Sirinë
03/12/2012 15:20
Kanada, Kryeministri Trudeau dënon protestat e dhunshme në Montreal 24/11 08:18
Presidenti i Rusisë, Vladimir Putin u takua ditën e hënë me Kryeministrin e Turqisë, Recep Tayyip Erdogan, në takime të fokusura tek çështja siriane, mbi të cilën të dy vendet ndajnë qëndrime të kundërta.
Moska shihet si një aleate kyçe e Sirisë, ndërsa Ankaraja mbështet kryengritësit që përpiqen të rrëzojnë regjimin e Bashar al-Assadit.
Në tetor, Turqia detyroi të ulej një avion të nisur nga Rusia drejt Sirisë, ndërsa sipas versionit zyrtar, inspektimi i avionit tregoi se në të ndodheshin armatime.
Ky incident përkeqësoi marrëdhëniet midis Rusisë dhe Turqisë, duke bërë që takimi Putin-Erdogan të shërbejë edhe si një sinjal për riafrimin e dy fuqive të mëdha euro-aziatike.
Takimi midis dy liderave pati në fokus edhe çështjet e energjisë apo tregëtisë, me të dy vendet që kanë një histori të gjatë bashkëpunimi dhe përfitimi të ndërsjelltë ekonomik.
Udhëtimi i Putin në Stamboll është planifikuar që të ndodhë në këtë moment, edhe për të kundërshtuar spekulimet mbi gjendjen e tij shëndetësore, e cila përflitet se është delikate, pas një incidenti të pësuar duke ushtruar sportin e xhudos.
Top Channel
