“Ndeshja e sotme do të jetë një ndeshje shumë e rëndësishme, një ndeshje ku nuk duhet të gabojmë nëse duam të ecim përpara në Ligën e Kampioneve.”
Këto janë fjalët e Adriano Galliani për sportmediaset.it, kur duhen edhe pak orë para fillimit të takimit Anderlecht-Milan.
“Kemi avantazhin se do të dimë rezultatin e Zenitit para se të luajmë sfidën tonë, por duhet të fitojmë sido që të shkojë”, thekson administratori i deleguar i kuqezinjve. Milan renditet në vendin e dytë të grupit C me 5 pikë, duke lënë pas Anderlecht (4 pikë) dhe Zenit (3 pikë). Rusët e vendit të fundit do të luajnë me vendin e parë, spanjollët e Malaga (10 pikë).
Në lidhje me formën e Patos, Galliani tha: “Duhet ta lëmë të qetë. Ka pasur shumë dëmtime dhe po rekuperohet. Mos harroni që vitin kur fituam titullin Pato ishte shumë përcaktues në ndeshjet ku na mungoi Ibrahimovic.”
Top Channel
