Inter, merkato në Ukrainë
13/11/2012 00:00
Tronditet atletika, mbajtësja e rekordit të maratonës, Chepnhetich, rezultoi pozitive: Mora ilaçet e shërbëtores… 24/10 16:12
Inter hedh sytë nga Ukraina për të bërë blerjet e radhës në merkaton e
transferimeve. Në qendër të vëmendjes së klubit zikaltër së fundmi janë
vënë brazilianët Shaktjorit Uillian dhe Fernandinjo, loja e të cilëve në
ndeshjen me Celsin u ndoq nga afër nga Drejtori Sportiv i Interit,
Auzilio.
Sipas asaj që publikohet tek e përditshmja italiane ‘Corriere Dello Sport’, për momentin Interi vetëm po i monitoron dy futbollistët e Shaktjorit, por shumë shpejt pritet që milanezët të bëjnë lëvizje konkrete. Madje presidenti i Interit Massimo Morati do të kërkojë që të shfrytëzojë edhe miqësinë që e lidh me trajnerin e Shaktjorirt Mircea Lucesku për të arritur tek dy brazilianët.
Por Interi nuk është i vetmi klub që është vënë në ndjekje të Uillian dhe Fernandinjos. Brazilianët kërkohen prej kohësh edhe nga 2 klubet angleze Mancester Siti dhe Totenhem dhe kjo bën që zikaltrit të mendojnë edhe për alternativa të tjera, sidomos për Uillian.
Ky i fundit ka në kontratën e tij me Shaktjorin një klauzolë për zgjidhjen e saj prej 35 milionë Euro dhe nëse nuk ulet kjo vlerë, atëherë Interi do të kthejë vëmendjen te futbollisti i Partizanit të Beogradit, Markovic.
Top Channel
