Tenisti serb fitoi 7-6 (8-6), 7-5 për t’i shtuar këtë titull të fundvitit fitores së Australian Open, si dhe për të kryesuar renditjen botërore.
Atij iu deshën 2 orë e 14 minuta për të siguruar 2 setet, në një ndeshje me luhatje dramatike të vrullit nga ana e tenistëve.
Kjo është hera e dytë që Djokovic fiton një finale ATP, pas triumfit të tij në Shanghai, 4 vite më parë.
Federer synonte të bëhej tenisti i parë, që prej Ivan Lendl 25 vite më parë, që të fitonte “tripletën” e kampionateve të fundvitit, si dhe të shtatin e tij në total.
“Ndoshta ndjej paksa keqardhje, sepse kisha dy herë kryesimin përpara tij”, pranoi Federer pas humbjes. “Gjithsesi, kjo nuk vlen aspak në fund të ditës, duhej të qëndroja i fortë deri në fund të setit dhe përballjes. Ai ishte më i mirë sot. Çfarë bëri mirë ai? Edhe në mbrojtje qëndronte paksa i avancuar. Kjo është, sipas mendimit tim, ajo që e ndan atë nga pjesa tjetër”.
Federer e ka bërë arenën O2 të Londrës si shtëpinë e tij të dytë, pasi ka fituar 2 vitet e fundit aty, kështu që për zvicerianin nuk mungonte mbështetja e fansave.
Top Channel
