Micheal Ballack-ut i hiqet patenta
09/11/2012 12:25
Po festonte një natë më parë, ish-futbollisti i Cagliarit gjendet i vdekur në hotel, ja detajet e para 30/09 16:18
Micheal Ballack nuk mund të drejtojë asnjë automjet për një vit e gjysmë, ndërsa duhet të derdhë në arkat e Madridit zyrtar një gjobë prej 6 750 eurosh.
Ky ishte vendimi që dha një gjykatë spanjolle ndaj ish-kapitenit të kombëtares gjermane të futbollit, gjatë së premtes.
36-vjeçari ka vendosur që të mos apelojë kundër këtij vendimi.
Ballack u kap më parë gjatë vitit në shkelje të plotë të ligjit për qarkullimin rrugor, duke udhëtuar me një shpejtësi prej 211 kilometrash në orë, në një autostradë ku kufiri i shpejtësi ishte prej 120 kilometrash, pranë qytetit të Kaseresit.
Ndonëse vendimi i një gjykate spanjolle njihet edhe në vendet e tjera të BE-së, Ballack do të mund të drejtojë mjete në vendin e tij, pasi në Gjermani, në autostrada nuk ka kufi shpejtësie dhe atje ku ka, kalimi i saj konsiderohet përgjithësisht një shkelje dhe jo një kundravajtje penale si në Spanjë.
Top Channel
