![](https://top-channel.tv/wp-content/uploads/2024/06/liban_sd-1-800x450.jpg)
Një gjykatë libiane lajmëroi se do të marrë në pyetje ish-kryeministrin e vendit, Mustafa Abdul Jalil, në lidhje me vrasjen e kryekomandantit Abdel Fattah Younes, në vitin 2011.
Jalil, i cili kryesoi qeverinë e parë pas rënies së diktatorit Muammar Gaddafi, besohet se është i përfshirë në mënyrë të tërthortë ose të drejtëpërdrejtë me atentatin ndaj gjeneralit Younes, një prej figurave me më shumë ndikim në vend.
Marrja në pyetje e ish-kryeministrit është pjesë e një hetimi ndaj 11 personave në tërësi.
Gjenerali Younes, ndonëse një figurë e moderuar, konsiderohej si një person i besuar i regjimit të Gaddafit, të cilin e ndihmoi që të merrte pushtetin në vitin 1969.
Atentati ndaj tij ndodhi pasi iu dërgua një mandat për marrje në pyetje, që e bëri të largohej nga qyteti i Bregës, drejt Bengazit.
Hetimet e mëvonshme treguan se me shumë gjasa, mandati dhe thirrja e tij në Bengazi ishin pjesë e një atentati të organizuar me kujdes.
Top Channel