Siri, “armëpushim për festë”
20/10/2012 00:00
Vrasja e trefishtë në Suedi, policia arreston një 16 vjeçar! Një prej viktimave, i lidhur me bandat 30/04 12:03
I dërguari i Posaçëm i Kombeve të Bashkuara dhe Ligës Arabe për Sirinë, Lakhdar Brahimi nisi takimet me udhëheqësit e regjimit sirian për t’u paraqitur atyre planin e paqes së përkohëshme të mbështetur nga Turqia dhe Irani.
Brahimi u prit nga Ministri i Jashtëm sirian, Walid al Muallim. Takimi u njoftua nga zëdhënësi i ministrisë siriane. Diplomati veteran agjerian mësohet se ka prezantuar planin e tij të ndaljes së luftimeve, të paktën për ditët e festës së Kurban Bajramit.
Plani parashikon ndërprerjen e luftimeve nga data 26 deri në datën 28 tetor, ditët e festës së Kurbanit. Nisma e Brahimit është parashtruar më parë në Ankara dhe Teheran. Si Turqia, ashtu dhe Irani, pavarësisht ndasive sa i përket Sirisë, e mbështesin këtë plan.
Ndërkohë, nuk dihet qendrimi i rebelëve të armatosur për këtë propozim, ndërsa detajet e tij janë ende në fazë konsultimesh mes palëve të interesuara.
Top Channel
