Libi, arratisje masive nga burgu
16/10/2012 17:40
Konflikti i armatosur në Lindjen e Mesme, analiza: Uashingtoni i pakënaqur me qëndrimin e Turqisë ndaj Hamasit 26/11 16:16
Më shumë se 100 të burgosur u arratisën të martën nga qëndra e vuajtjes së dënimit në al-Judaia, pranë kryeqytetit të Libisë, Tripoli.
Sipas mediave vendase, të burgosurit kanë shtetësi të ndryshme dhe një pjesë e tyre janë riarrestuar.
Nuk është ende e qartë se si u organizua arratisja, ndërsa konfirmohet se disa prej tyre janë militantë të rrezikshëm, të burgosur për shkak të aktivitetit të tyre fundamentalist në vendin e Afrikës së Veriut.
Al-Judaida është një prej burgjeve më të mëdha në Tripoli. Grupet e të drejtave të njeriut kanë shprehur prej kohësh shqetësim për respektimin e të drejtave thelbësore, midis të cilave edhe torturën e gjithpërhapur.
Kjo arratisje masive vjen vetëm në javën e përvjetorit të vdekjes së kolonelit Muammar Gaddafi, i ekzekutuar në fundin e revolucionit që solli edhe rrëzimin e tij nga pushteti në vitin 2011.
Top Channel
