Merkel mbërrin në Athinë, kryeqyteti grek i blinduar

Vizita e saj konsiderohet si mbështetje për qeverinë e kryeministrit Samaras dhe ekzistencen e vendit ne Eurozone.

Por Merkel ka gjetur ne Athine nje atmosfere aspak miqesore nga mijera protestues qe e konsiderojne kancelaren si shkakun e recensionit te thelle dhe te politikave shtrenguese ekonomike qe ajo i imponon vendit te tyre. Kryeqyteti eshte blinduar nga te gjitha anet me mijera police ne gjendje  gadishmerie, njësi anti-terroriste te shperndara ne pika te ndryshme te qytetit dhe snajpera ne tarraca, ndersa Ministria e Rendit ka ndaluar tubimet ne qender.

“Le të shpresojmë se do te jete per te mire ardhja e saj këtu në Greqi dhe se  duke pare nga afer gjendjen qe po kalojne greket dhe reduktimin e standardit te tyre të jetesës do te mund të formojë një opinion te ri. Le te shpresojme se nuk do te behemi kaviet e Europës”, thotë një qytetar.

“Ajo duhet të shohe se si po vuajne njerëzit, te shohe ankthin qe po kalojne ,qe nuk ka të ardhme”, thotë një tjetër qytetar.

Per tre ore ne te gjithe Athinen eshe ndaluar puna ne shenje proteste per viziten e kancelares, e dyta qysh prej viti 2007, me kryeminstrin e atehershem Kostas Karamanlis.

Berlini ka bere te qarte se Merkel nuk sjell dhurata dhe kerkon qe qeveria Samaras  te mbylle sa me shpejt paketen e masave prej 12 miliarde euro ne menyre qe troika te hape driten jeshile per kestin e radhes prej 31.5 miliardë euro.

Por keto masat qe jane kryesisht reduktime te metejshme te pagave dhe pensioneve,  kane gjetur kundershtimin e ashper te qytetareve greke qe protestojne per recensionin qe vazhdon per te pestin vit rrjesht dhe per papunesine qe po kap shifren prej 25%.

Per analistet vizita e Merkel eshte nje mbeshtetje per Greqine pasi nje deshtim i reformave dhe nje dalje e saj nga eurozona do te kishte nje kosto shume te larte per vendet e tjera te monedhes se perbashket.

Tensione gjatë vizitës së kancelares Merkel

Kanë nisur në Athinë bisedimet mes kancelares gjermane Angela Merkel dhe kryeministrit Andonis Samaras në Megaro Maximou, selia e qeverisë helene.

Por ndërkohë, jashtë godinës, rreth 40 mijë manifestues janë mbledhur në shehin Sintagma të kryeqytetit, para selisë së parlamentit, duke gjuajtur me gurë agjentët e vendosur.

Ata kanë vënë në shënjestër një barrikadë të policisë, në përpjekje për të arritur tek pallati i qeverisë, ku po zhvillohet takimi. Policia i ka zmbrapsur ata me gaz lotësjellës.

Përleshje mes protestuesve dhe policisë janë regjistruar edhe në hyrje të spitalit Henry Dunant, që ndodhet përpara ambasadës amerikane në kryeqytetin grek.

Edhe këtu policia ka përdorur gazin për të parandaluar avancimin e korteut në protestën kundër vizitës së kancelares Merkel. Punonjësit e spitalit, që nuk marrin rrogën prej 8 muajsh, kanë hedhur shishe plastike ndaj agjentëve dhe tensioni në zonë mbetet i lartë.

Ndërkohë, një grup të rinjsh, me fytyrë të mbuluar, ka hedhur shishe me benzinë dhe bomba me tym ndaj një skuadër policësh që ndodhej në rrugën Panepistimou. Agjentët e seksionit të anti-turmës kanë ndërhyrë duke i shpërndarë protestuesit.

Protestat janë organizuar nga sindikatat më të mëdha, Adedy dhe Gsee, për të protestuar kundër masave të reja anti-krizë të kërkuara nga trojka, BE, BQE dhe FMN ndaj qeverisë greke.

Pavarësisht se Athina u blindua nga forcat e policisë në kuadër të vizitës, duket se manifestimet e dhunshme nuk janë ndalur dot, pasi grekët konsiderojnë Merkel përgjegjëse për varfërinë ku ka hyrë vendi i tyre.
 

Top Channel