SHBA, rekord financimesh për Obamën
07/10/2012 08:50
Protestuesit pro-Palestinë bllokojnë paradën festive në New York (video-foto)
29/11 17:17
Një shumë rekord prej 181 milionë dollarësh u grumbullua nga Presidenti Barack Obama për fushatën e tij gjatë shtatorit.
”Ky është muaji më i mirë që prej fillimit të fushatës”, konfirmoi manaxheri i përgjithshëm i ekipit zgjedhor të Obamës, Jim Messina.
Ende nuk janë publikuar të dhënat për financimet që arriti të grumbullonte republikani Romney gjatë shtatorit.
Pasi Romney udhëhoqi në fondet e grumbulluara më parë gjatë vitit, Obama e kaloi në gusht dhe supozohet se gjithashtu në shtator u arrit një avantazh i konsiderueshëm.
Sipas Messinës, shuma prej 181 milionë dollarësh u grumbullua nga donacionet e 1,8 milionë amerikanëve, me 1/3 e tyre që paguanin për herë të parë.
Sipas agjensisë “Reuters”, ndonëse shifra e grumbulluar nga Obama është më e larta e regjistruar deri tani, ajo mbetet lehtësisht inferiore nga shtatori i katër viteve më parë, kur Obama arriti të tërhiqte 191 milionë dollarë financime.
Top Channel
