Shoqata e Invalidëve të Punës i kërkoi të premten qeverisë të rishikojë
pensionet e invaliditetit pasi ka diskriminim dhe diferencim të madh me
pensionet e pleqërisë.
Sipas kryetarit të shoqatës, Abdulla Omuri që nga viti 2006, Qeveria nuk ka aplikuar asnjë masë rritje për pensionet e invaliditetet duke diskriminuar hapur këtë kategori e cila ka kontribuar në vite në skemën e sigurimeve shoqërore.
Invalidët e punës thanë se gjendja e tyre social-ekonomike është rënduar së fundmi dhe nga vendimi i fundit i ministrisë së punës e cila i hoqi kësaj shtrese edhe ndihmën ekonomike.
Sipas statistikave të shoqatës, në gjithë vendin numërohen rreth 55 mijë invalidë pune mosha mesatare të cilëve është mbi 49 vjeç.
Top Channel
